Ինչպէս որ քաղցր են ծնողները, այնպէս ալ քաղցր է Հայրենիքը:
Հայրենիքը սուրբ վայր է ազգի մը համար, յատկապէս Հայերուս։ Այն խորհրդաւոր սրբութիւնն է, որուն պէտք է անվերապահօրէն կառչած մնալ. փայփայել եւ անվերջ սիրել մասունքի մը նման:
Ամէն տարի սովորութիւն դարձած է վարժարանիս մէջ կազմակերպել շարադրական մրցանք: Այսօր, վարժարանիս մէջ տեղի ունեցաւ իւրայատուկ շարադրական մրցանք։ Մրցանքին կազմակերպիչն է վարժարանիս Սանուց Միութեան ատենապետուհի՝ Օրդ. Լիւսի Տէօքմէճեան, ի յիշատակ իր ուսուցչուհիին՝ վարժարանիս 11 տարուան հայագիտական նիւթերու կարկառուն ուսուցչուհի վաղամեռիկ՝ Տիկ. Լենա Կէօքճեան-Փոշօղլեանի:
Նախանձելի նախաձեռնութիւն աշակերտ-ուսուցչուհիի վաստակին ի յարգանք, որ վարակիչ պէտք է դառնայ գալիք սերունդներուն: