Ուսուցիչները մեծ եռանդ ու ջանք կը ներդնեն աշակերտին մէջ կեանքի հունտերը սերմանելու համար: Պէտք է գիտակցիլ նոր սերունդի կրթութեան ու անոնց մէջ ազգային դաստիարակման ոգին ներշնչելու: Այսօր, Վարժարանիս Յակոբ Պարսամեան սրահին մէջ, Միջն. Գ. դասարանի աշակերտները իրենց դաստիարակչուհի՝ Տիկ. Սեւանա Տարագճեանի գլխաւորութեամբ, պատրաստած էին յայտագիր մը, որ արժանացաւ բոլորին գնահատանքին: Ինչպէս նաեւ, գեղեցիկ ժեստով մը, վարժարանիս Ծնողաց յանձնախումը սիրոյ սեղան պատրաստելով ուսուցիչներուն համար, սիրալիր մթնոլորտի մը մէջ տեղի ունեցաւ կարգ մը աշակերտներու ծնողներու կողմէ ղրկուած կարկանդակներու հատում, ինչպէս նաեւ վարժարանիս հոգաբարձութեան կողմէ փոխանցուեցաւ գեղեցիկ յուշանուէրներ: Վարձքը կատար բոլորին։