Ծառայութիւն մատուցելը մարդու համար առաքինի շնորհք է: Ան կը բարձրացնէ անձին զոհաբերութեան ոգին: Սոյն ոգիով տոգորուած, վարժարանիս Ծնողաց յանձնախումբը անսակարկօրէն նուիրուած է անոր հոգատարութեան:
31 Մայիս 2018 յիշատակելի օր մըն էր վարժարանիս Ծնողաց յանձնախումբին համար, քանի որ անոր ժրաջան տիկիններէն՝ Սեւան Բարսեղեան եւ Երան Շարպրաշեան ճամբորդութեան պատճառով պիտի մեկնին Լիբանանէն, եւ առ այդ, վարժարանիս տնօրէնութիւնը պատշաճ ձեւով պատուեց եւ յաջողութիւն մաղթեց անոնց։