Ուրախալի երեւոյթ է բազմաթիւ առիթներով նախկին սաներու, բարեկամներու եւ բարերարներու այցելութիւնը Պէյրութի Վահան Թէքէեան վարժարան, որոնք իւրայատուկ ներուժ ու գօտեպնդող ուրախութիւն կը փոխանցեն վարժարանիս, շարունակելու համար հայազարգացման գործընթացը։ Սոյն այցելութեանց ծիրէն ներս, վարժարանս այցելեց վաստակաշատ տնօրէն՝ հանգուցեալ Պրն. Երուանդ Պապայեանի թոռնուհին, Նիւ Եօրքաբնակ՝ Օրդ. Թալին Պապայեան, ընկերակցութեամբ իր մօր՝ Տիկ. Հերմինէին։