Սպիտակի երկրաշարժի երեսնամեակին առիթով, այսօր վարժարանիս Յակոբ Պարսամեան սրահէն ներս տեղի ունեցաւ ոգեկոչում, ներկայութեամբ օրուան հիւր բանախօս` Տիար Համբիկ Մարտիրոսեանի, որ սիրայօժար ընդառաջեց վարժարանիս հրաւէրին: Մեր աշակերտները ներկայացան բովանդակալից յայտագիրով մը, անգամ մը եւս ապացուցելով, որ անոնք ժառանգորդներն են ժողովուրդի մը, որ դիմակայած է բազմաթիւ փորձութիւններ, յաղթահարած է բազմաթիւ արգելքներ եւ անցած է շատ արհաւիրքներու մէջէն: