Ուրբաթ 22 Մարտ 2019ին, Յակոբ Տէր Մելքոնեան սրահէն ներս տեղի ունեցաւ տօնակատարութիւն «Մանուկներու իրաւունքներու Միջազգային օր»ուան առիթով, կազմակերպութեամբ Լիբանանի Օգնութեան Խաչին(ԼՕԽ), մասնակցութեամբ Լիբանանահայ վարժարաններու։ Պէյրութի Վահան Թէքէեան վարժարանի նախ. Դ եւ Ե դասարանի աշակերտները ներկայ էին սոյն տօնակատարութեան, ուր նախ. Դ դասարանի աշակերտուհի Մարիլին Աւետիսեան արտասանեց Վահան Թէքէեանի «Տղաք եւ Դուք Աղջիկներ» բանաստեղծութիւնը։